الديره اللي ياعل السيل يسقيها
وشلون ماحبها واحب طاريها
احبها حب ساكن داخل اعماقي
ومهما يجور الزمن مانيب ناسيها
فيها ربيت وعرفت ان الغلا فطره
=== واحبها من صميم القلب واغليها
من عادني في صفوف الابتدائيه
=== ومن عادني العب الكوره بناديها
الين قدني كبير وفاهم وعاقل===
واكتب قصايد تشرفني معانيها
تصدق اني لو اجيها وانا مغمض===
ادل حتى شوارعها وكبريها
واسوق روحي لها من شان عمدتها===
واحبها من محافظها لشرطيها
ديرة هل العرف والوقفات والفزعه===
فيها القبايل تفاخر في عزاويها
الله جمعهم على العز وعلى الطاعه===
صاروا على قلب واحد وسكنوا فيها
الديره اللي لها فقلوبنا موقع
نعيش فيها وندفن في اراضيها
فيها الحضاره وفيها العلم متقدم
غطت خدماتها على ضواحيها
اشياء واجد تبين لك تطورها
واكبر دليل التطور في مبانيها
صارت عروس الربيع ومقصد السايح
===الناس من كل حدب وصوب تاتيها
اذا سألت اي واحد وينك مخيم
=== تلقى خيامه ورى الديره مبنيها
خدمه وفرقة دفاع ورقم مجاني===
من كثر ميزاتها ماعاد نحصيها
شعارها(ربعوا معنا) وحياكم===
الله يرحب بها والله يحييها